Dokumentation 100 Gaufeste Bayerischer Inngau Trachtenverband

Da Gau macht fia jedn Varein der scho amoi a Gaufest gmacht hod a "Roll up" Banner mid oide Buidl vo de Gaufeste. De Vareine miassn de Buidl bis 31.08. obgebn. Wer vo Eich hod Buidl vo de Gaufeste 1911, 1951, 1979 . Bittschee frogts a in da Vawandtschaft noch! Es war schee, wenn a unsa Varein gnua Buidl zsambringat, damid ma a mid am "Roll up" vatretn san.

Vereinsausflug zum Trachtenmarkt in Greding am 31. August 2019

Unsa Trachtenvarein hod in dem Johr de Ehr an Boarischen Inngau-Trachtenvaband aufm Trachtenmarkd in Greding zu vatretn. Mia derfan unsane scheena Vaeinstrachtn zoang und de Schneebichler Andrea sogt wos dazua. Mia ham uns dacht, des is a scheene Sach und a große Ehr fia an ganzn Varein und drum machma unsan Vereinsausflug nach Greding, damid ma unsane Leid auf da Bühne untastützn kenna. In Greding gibts vui zum schaung und a zum kaffa. Greding is da greßte Trachtenmarkt in Deitschland, wens Ihr no mehr wissn megts dann kennts do nochschaung www.gredinger-trachtenmarkt.de
Wer mitfahrn mecht moid se bittschee bei de Karls Tel. 90640 o.

So is da Dog geplant:

Abfahrt 7.00 Uhr (Rathausparkplatz und den bekannten Zustiegsmöglichkeiten) Rückfahrt ca. 17.30 Uhr. Mia wern um ca. 09.30 Uhr in Greding sei, wenn ma gnua Leid zsambringa machma a Stadtführung, danach derf jeda mach wos a mog.